Presidenti i UEFA-s, Aleksander Çeferin do të mbërrijë ditën e enjte për një vizitë zyrtare në Tiranë. Kreu i qeverisë së futbollit europian do të zhvillojë një takim në ora 15:00 me Kryeministrin shqiptarë, Edi Rama dhe më pas do të pritet në takim nga Presidenti i FSHF-së, Armand Duka.
Aty do të diskutohet për problematikat e incidenteve të fundit lidhur me procesin zgjedhor të FSHF-së dhe gjithashtu në lidhje me organizimin e finales historike të UEFA Europa Conference League në stadiumin “Air Albania” me datë 25 maj.
