Komisioni i arbitrëve pranë Federatës së Futbollit, si çdo herë pas përfundimit të ndeshjeve të fundjavës, ka bërë analizën edhe për ndeshjet e xhiros së 11-të në Ligën e Parë, njofton “infOSport.mk”.
Ashtu edhe siç pretendonin shumica e njohësve të futbollit, një ndër arbitrët më të mirë në futbollin vendor, që mban edhe stemën e FIFA-s, Aleksandar Stavrev, dukshëm kishte dëmtuar ekipin e Struga Trim Lum, duke akorduar një penalti inekzistente.
Kështu ka konkluduar edhe vetë Komisioni i Arbitrëve, sipas të cilit, Stavrev do duheshe të që tregoj goditje dënimi në favor të portierit të Struga Trim Lum, Vedran Qoshevski, pasi i njëjti kishte arritur i pari deri tek topi, duke e pastruar rrezikun para portës së tij dhe para sulmuesit vendas, Sandej Adetunxhi.
Pas këtij dueli mes tyre, portieri i Struga Trim Lum ishte i detyruar që të braktis fushën, pasi kishte dëmtuar shpatullën, ndërsa mbi të gjitha mund të thuhet se Stavrev kishte dëmtuar ekipin strugan, që në këtë mënyrë pësoi disfatën e parë sezonale.
Ndryshe i saktë nga penaltia u trgua Fredy Alvarez, gol ky që në fund u tregua si vendimtarë në fitoren 1:0 të FC Shkupit përballë Struga Trim Lum, që pavarësisht kësaj disfate vazhdon të ruajë pozitën e parë në renditje me 25 pikë, 6 më shumë se ndjekësi më i afërt, Shkëndija dhe 7 më shumë se kampionët në fuqi të FC Shkupit. (infOSport.mk)
