Struga Trim Lum edhe zyrtarisht në vazhdim të sezonit do të udhëhiqet nga strategu shqiptarë, Shpëtim Duro. Një gjë të tillë “infOSport.mk” kishte paralajmëruar që gjatë ditës së djeshme, ndërsa i njëjti u prezantua sot në ambientet e klubit strugan nga ana e Drejtorit Sportiv, Besart Isaku.
Duro me Struga Trim Lum ka nënshkruar kontratë për një vit e gjysmë, duke u rikthyer për herë të tretë në Maqedoni për të udhëhequr një skuadër, pas dy aventurave të suksesshme që kishte patur me Shkëndijën e Tetovës.
Ndryshe, Duro së fundmi ishte pjesë e Egnatinas, ndërkohë gjatë karrierës së tij, i njëjti kishte udhëhequr skuadrat më të mira në Shqipëri, si Partizanin e Tiranës, Besën e Kavajës, Vllazninë e Shkodrës, Skënderbeun e Korçës, Flamurtarin e Vlorës, Kukësin, Laçin dhe Egnatian, ndërsa në futbollin kosovar kishte udhëhequr Dritën e Gjilanit.
