Kombëtarja e Italisë nesër në Palermo do përballet me Maqedoninë e Veriut, ndeshje kjo e vlefshme për gjysmëfinalet e “play-off” për kualifikim në Kupën e Botës “Qatar 2022”.
Në prag të këtij takimi shumë të rëndësishëm për të dyja kombëtaret, Roberto Mançini i Italisë, ka marrë një lajm shumë të keq për nesër, me Di Lorenzon që është dëmtuar dhe me gjasë do jetë jashtë kombinimit.
Mbrojtësi i Napolit ka nisur fazën e reabilitimit, duke qenë mungesë e madhe për prapavijën e Axurrëve.
“Në mëngjes, Giovanni Di Lorenzo iu nënshtrua një vizite specialistike me Prof Mariani në klinikën Villa Stuart.
“Kontrolli konfirmoi diagnozën e bërë më parë në ekipin kombëtar të një ndrydhje të shkallës së dytë të gjurit të djathtë për t’u trajtuar në mënyrë të mbyllur. Lojtari do të fillojë menjëherë procesin e rehabilitimit”, – njofton federata italiane.
