Dy skuadrat gjigande nga “Serie A”, Milani dhe Roma po përgatiten për një shkëmbim të bujshëm, teksa në qendër të vëmendjes janë Edin Xheko dhe Hakan Çalhanogllu.
Ky i fundit shihet si një opcion i mirë për mesfushën “romake”, teksa Xheko për sulmin “kuqezi”, që këtë edicion po vuan shumë.
Edin Xheko me shumë gjasa do të largohet nga “Olimpiko” në sezonin e ri, teksa nuk mungon edhe interesimi nga skuadra të ndryshme europiane.
Drejtuesit e Romës janë pro një shkëmbimi të Edin Xhekos me Hakan Çalhanoglu, në rast se sulmuesi boshnjak nuk firmos me ndonjë nga skuadrat e interesuara për të.
Çalhanoglu me shumë gjasa mund të ndërrojë destinacion në janar, por dëshira e tij mbetet Bundesliga, aty edhe ku krijoi emër duke qenë pjesë e Bajer Leverkusenit.
Ky duket një shkëmbim shumë i vështirë për dy klubet, por bisedimet kanë nisur, ashtu që nëse ndodh një shkëmbim i tillë, me siguri se do të ishte një ndër shkëmbimet më të bujshme në merkaton e janarit.
