Çelzi po kërkon ta rikthejë Romelu Lukakun në “Stemford Brixh” dhe për këtë është gati të shesë pesë futbollistë.
Sipas “Daily Star”, trajneri Tomas Tushel e do me çdo kusht belgun në skuadrën e tij.
Lukaku ka kaluar tre vite me “Blutë e Lodrës” mes viteve 2010 dhe 2014, por ishte dhënë në huazim te Uest Bromuiç Albion dhe Evertoni.
Në anën tjetër Interit i duhet të shesë një nga yjet e mëdha për të rregulluar bilancet dhe duket se Lukaku është në krye të listës.
Çelzi synon të sigurojë 93 milionë euro, të nevojshme për të blerë belgun duke shitur 5 yje.
Në listën e transferimeve janë emra si Kepa Arrizabalaga, Kallum Hadson-Odoi, Ros Barkli, Ruben Loftus-Cheek dhe Tammy Abraham.
