Adama Traore është në qendër të vëmendjes javëve të fundit, për dy arsye, pë fizikun e tij dhe për formën e shkëlqyer që po kalon me ekipin e Vulverhempton në Angli.
Skuadra e tij të premten në mbrëmje edhe përkundër disavantazhit prej 0:2, në fund mundi Mançester Sitin me rezultatin 3:2, ndërsa pikërisht Traore doli të jetë një ndër futbollistët më meritor të këtij takimi, duke shënuar gol dhe duke asistuar në golin e dytë të barazimit të shënuar nga Himenez.
Mendy lowers his hips because he's bracing himself for Traore to hit him at the pace he's closing down on. Traore slowing down, then speeding up means he hits Mendy at a different angle than expected, so he shifts him further. pic.twitter.com/G3g5CnljRn
— Carl Anka (@Ankaman616) December 28, 2019
Pikërisht asisti i tij u bë viral në rrjetet sociale pasi “Hulku” i Premierligës angleze, fillimisht ia vodhi topin Benjamin Mendyt, duke e hedhur atë jashtë vijave kufizuese të fushës, e më pas asistoi për bashkëlojtarin e tij, Himenez, i cili në ato momente barazoi shifrat në 2:2. Ky gol njëherit paralajmëroi edhe kthesën e madhe të këtij takimi, pasi Vulverhempton falë golit të shënuar nga Doherty një minutë para fundit të takimit, arriti deri tek fitorja e madhe përballë kampionëve në fuqi të Anglisë.
