Kampionati Botëror “Rusi 2018” starton nesër, ndërsa “France Football” ka zbuluar së fundmi listën me 11-shen ideale që çdo ekip do të dëshironte ta kishte. Në listë bie në sy prezenca e plot 9 futbollistëve nga kampionati spanjoll, duke filluar që nga portieri e deri në sulm.
Lista fillon me gardianin e Atletiko Madrid, Jan Oblak, ndërsa në mbrojtje janë Karvahal, Marselo dhe Serhio Ramos nga Real Madridi, si dhe qendërmbrojtësi i Barcelonës, Zherard Pike.
Mesfusha përbëhet nga Kasemiro, po nga kampionët e Europës, David Silva i Mançester Sitit dhe Pogba nga Mançester Junajtedi.
Ndërkohë sulmi përbëhet nga treshja më e mirë e tre skuadrave më të mira në Spanjë, Antuan Grizman i Atletiko Madridit, Lionel Messi i Barcelonës dhe Kristiano Ronaldo i Real Madridit.
