La Gazzetta dello Sport” ka konfirmuar se Frank Kesie nuk dëshiron të vazhdojë kontratën e tij me Milanin, derisa PSZh-ja dhe Totenhami janë destinacionet e mundshme për reprezentuesin e Bregut të Fildishtë.
Marrëveshja e Kesie me Milanin skadon në fund të sezonit dhe Milani nuk ka qenë në gjendje të arrijë një marrëveshje me 24-vjeçarin.
Mesfushori pretendoi se donte të qëndronte te Milani në një intervistë me ‘La Gazzetta dello Sport’ në shtator, por gjigantët e Serie A janë përballur me një realitet tjetër gjatë negociatave me agjentin e tij George Atangana.
Kesie është në një marrëveshje 2.2 milionë euro në vit me Milanin dhe kërkon një kontratë të re 8 milionë euro në vit.
Sipas ‘Sky Sport Italia’, agjenti i Kessié ka kërkuar një pagë edhe më të lartë prej 9 milionë euro.
Gjigantët e Serie A i kanë ofruar mesfushorit të tyre një marrëveshje prej 6.5 milionë eurosh, por ish-lojtari i Atalantës nuk është i gatshëm ta pranojë.
Sipas ‘La Gazzetta dello Sport’, PSZh-ja dhe Totenhami po e monitorojnë 24-vjeçarin, por mbetet për t’u parë nëse do t’i plotësojnë kërkesat e tij ekonomike.
Performancat e Kesie kanë rënë këtë sezon. Ai ka shënuar tre gola në 19 paraqitje në të gjitha garat këtë sezon me fanellën e Milanit.
