Sot mësohen grupet e Ligës së Kampionëve, ja si ndahen ekipet në vazo

Sot në orën 18:00 në Monako do të hidhet shorti i Ligës së Kampionëve për fazën në grupe, ku 32 skuadra do të ndahen në 8 grupe me nga 4 ekipe secili grup. Në këtë kompeticion, marrin pjesë skuadrat kampione në vendet respektive dhe më të mirat e kampionateve elitare, çka do të thotë se pritet të jetë një kompeticion spektakolar.

Bie në sy rikthimi i Interit pas 7 vitesh mungesë, ndërkohë që shorti mund t’i rezervojë zikaltërve një grup të frikshëm pasi gjenden në vazon e katërt dhe 3 skuadrat e tjera do të jenë relativisht të forta, të paktën në letër. Në vazon e tretë, çuditërisht ka përfunduar edhe Liverpuli megjithëse sezonin e fundit luajti në finalen e madhe ndaj Realit të Madridit. Shkak për këtë, u bë kualifikimi i Benfikës për në grupe, që mbrëmë eliminoi PAOK-un grek. Një surprizë mund të konsiderohet edhe kualifikimi i Crvena Zvezdës, që mbrëmë eliminoi gjysmëfinalistët e fundit të Liga Europa, Salzburgun, ndërsa gjithashtu edhe eliminimi i Dinamo Zagrebit nga Jang Bojsi.

Më shumë ekipe përfaqësuese kanë Spanja, Anglia, Gjermania dhe Italia, nga 4 skuadra, ndërsa me nga 3 skuadra do të përfaqësohen Franca dhe Rusia.