Sot në elitën e futbollit vendor në program ishin ndeshjet e javës së 15-të, ku u arritën kryesisht rezultate të pritura, shkruan ‘infOSport.mk’. Skuadra kryesuese e Shkëndijës pa shumë probleme me 5 gola në rrjetë përcolli Sileksin për në Kratovë, duke vazhduar serinë e fitoreve në rrethin e dytë të garave në Ligën e Parë Futbollistike të Maqedonisë.
6 fitore rradhazi për Shkëndijën, që tashmë sheh 6 pikë veten para Vardarit, që sot u mund nga Rabotniçki (0:1) në derbin lokal. Kësisoj Vardari mbeti në kuotën e 28 pikëve, vetëm 3 më shumë se Akademia Pandevi, që si vendas mundi Pobedën.
Pas kësaj treshe, vijon Rabotniçki në pozitën e katërt, duke zbritur Renovën një pozitë më poshtë, kjo shkaku i disfatës në Strumicë nga Bellasica, skuadër kjo që lëshoi pozitën e fundit në renditje. Bellasica numëron 17 pikë, njëjtë sikurse edhe Makedonija Gj.P dhe Pobeda në pozitat 6 dhe 7, ndërkohë dy pozitat e fundit janë të rezervuara për ish kampionët e vendit, FC Shkupi dhe Sileksi.
| # | Ekipi | Nd. | F | B | D | G-av. | Pikë |
| 1. | Shkëndija | 15 | 10 | 4 | 1 | 37:13 | 34 |
| 2. | Vardari | 15 | 8 | 4 | 3 | 18:10 | 28 |
| 3. | A. Pandev | 15 | 8 | 1 | 6 | 18:13 | 25 |
| 4. | Rabotniçki | 15 | 6 | 2 | 7 | 19:24 | 20 |
| 5. | Renova | 15 | 5 | 4 | 6 | 17:19 | 19 |
| 6. | Makedonija Gj.P | 15 | 4 | 5 | 6 | 18:20 | 17 |
| 7. | Pobeda | 15 | 5 | 2 | 8 | 14:17 | 17 |
| 8. | Bellasica | 15 | 4 | 5 | 6 | 14:22 | 17 |
| 9. | Shkupi | 15 | 4 | 4 | 7 | 12:18 | 16 |
| 10. | Sileksi | 15 | 3 | 5 | 7 | 10:21 | 14 |
