Sulmuesi nga Uruguai, Luis Suarez, është shprehur i kënaqur me fitoren e Barcelonës kundër Napolit. Ylli i Barcelonës ka thënë se prisnin një ndeshje të vështirë kundër Napoli, kurse për ndeshjen e ardhshme ndaj Bayern ka thënë se gjasat janë 50/50.
“Gjëja më e rëndësishme është se ne jemi në raundin tjetër, objektivi ishte kualifikimi. Në pjesën e dytë e dinim çfarë do të ndodhte. Duhet të jemi të kënaqur me pjesën e parë”, tha Suarez.
“Bayern? Në një ndeshje të vetme secila skuadër mund të shkojë tutje. Gjasat janë 50/50. Bayern janë skuadër e madhe, por do t’i kemi opsionet tona. Bayern janë në mesin e favoritëve për të fituar Ligën e Kampionëve, por kështu jemi edhe ne”, ka thënë Suarez.
Barcelona dhe Bayern Munich do të përballen më 14 gusht.
