Ndeshjet e fundit në elitën e futbollit spanjoll vijnë me orar të ri. Kur ka mbetur për tu zhvilluar vetëm java e fndit, skuadra e Real Madridit është më pranë se kurrë titullit kampion.
Ndryshe nga rivalët e Barcelonës, skuadra e drejtuar nga Zinedine Zidane ka edhe dy ndeshje për të zhvilluar ku do t’i mjaftojnë 4 pikë për tu shpallur kampion. Testin e parë më të rëndë “mbretërit” e kanë të mërkurën me datë 17 maj, kur në “Ballaidos” do të përballen me Selta Vigon në ndeshjen e prapambetur, ndërsa në ndeshjen e javës së fundit ata do të përballen me Malagan po ashtu në transfertë.
Kjo ndeshje në program është të dielën, njëjtë sikurse edhe ndeshja në “Kamp Nou” midis Barcelonës dhe Eibarit. Që të dyja ndeshjet startojnë në ora 20:00, ndërsa java e fundit në La Liga për sezonin 2016/2017 nis me ndeshjen e së premtes Granada – Espanjoll.
| Kalendari i plotë në La Liga: |
| E mërkurë, 17 maj (ndeshje e mbetur) |
| 21:00 Celta Vigo – Real Madrid |
| Java 38 |
| E premte, 19 maj |
| 20:45 Granada CF – Espanyol |
| E shtunë, 20 maj |
| 17:00 Real Sporting de Gijon – Real Betis Balompié |
| 19:00 CD Leganes – Deportivo Alavés |
| 19:00 RC Deportivo La Coruna – UD Las Palmas |
| 21:00 Sevilla FC – CA Osasuna |
| E diel, 21 maj |
| 16:45 Atletico Madrid – Athletic Club |
| 16:45 Valencia CF – Villarreal |
| 16:45 RC Celta de Vigo – Real Sociedad |
| 20:00 FC Barcelona – SD Eibar |
| 20:00 Málaga CF – Real Madrid |
