Kupa e Botës “Rusia 2018”, sot vjen me finalen e madhe. Pas një muaj rresht, ky eveniment i madh i futbollit, do të mbyllet më super-sfidën Francë-Kroaci.
“Gjelat” dhe kroatët përballen sot pasdite në sfidën për trofeun e këtij botërori. Kroatët e zjarrtë synojnë të bëjnë historinë përballë një skuadre të fuqishme siç është Franca e Didie Deshamp.
Padyshim se ballafaqimi mes francezëve dhe kroatëve, parashikohet të jep ndeshjen më të fortë në Botërorin “Rusia 2018”, bazuar në performancën e lartë që kanë treguar këto dy skuadra në këtë eveniment të futbollit.
Stadiumi “Luzhniki” në Moskë, pritet të jetë arena e “nxehtë” e kësaj ndeshje të madhe. Futbollistët e të dy skuadrave si asnjë herë më parë do të japin maksimumin, sepse jo gjithë futbollistët mund ta prekin një finale të nivelit të tillë.
Finalja mes Francës dhe Kroacisë starton në ora 17:00.
