Sulmuesi i Liverpullit, Roberto Firmino ka fituar çmimin ‘Samba Gold’ për vitin 2018-të, që i jepet futbollistit më të mirë brazilian që luan në Europë.
Ai la pas vetes mbrojtësin e majtë të Realit të Madridit, Marselo si dhe yllin e Paris Sen Zhermenit, Nejmar.
Firmino fitoi 21,79% të votave, Marselo u ndal në vendin e dytë me 20,51% të votave, teksa për Nejmar votuan vetëm 18,67% të anketuarve.
Ky çmim ndahet për çdo vit nga sajti ‘Sambafoot’, ndërsa deri më tani nga tre herë këtë çmim e kishin fituar Nejmar dhe Tiago Silva. Gjatë këtij viti për futbollistin më të mirë brazilian që luan në Europë kishin votuar 123 mijë lexues.
Roberto Firmino has won the 2018 Samba Gold, awarded to the best Brazilian footballer playing in Europe 🇧🇷 pic.twitter.com/A2uOxuVQdM
— B/R Football (@brfootball) January 3, 2019
Firmino është futbollisti i dytë nga rradhët e Liverpullit që fiton këtë çmim. Gjatë vitit 2016-të fitues kishte dalë Filipe Kutinjo, i cili aktualisht mbron ngjyrat e skuadrës së Barcelonës.
Roberto Firmino te Liverpulli u transferua gjatë vitit 2015-të nga rradhët e Hofenhajmit. Gjatë sezonit aktual braziliani në 21 ndeshje të zhvilliuara në Premierligë ka shënuar 8 gola, përfshirë këtu edhe golin e fundit ndaj Sitit mbrëmë, në të cilën ndeshje Liverpulli i tij pësoi disfatën e parë të këtij sezoni me rezultatin 2:1. Firmino me Liverpullin ka kontratë deri në vitin 2023.
