Ylli uellsian, Garet Bejll u vendos para një situate shumë të vështirë me shokët e tij të skuadrës së Real Madridit, pasi refuzoi të mbajë stemën e “Mbretërve” në foton e përbashkët para ndeshjes së parë të Ligës së Kampionëve kundër Paris Sen Zhermen.
Bejll dukej shumë i palumtur kur bashkëlojtari i i tij, Rafael Varane i’a kaloi stemën e klubit për foton e ekipit. Uellsani fillimisht e pranoi me shumë dëshirë, mirëpo pas një pauzë të vogël, ai i’a kaloi atë menjëherë mbrojtësit Dani Karvahal.
Marrëdhënia e Bejll me trajnerin, Zinedine Zidane u prish gjatë verës, pasi strategu francez i Realit i tha atij se ai mund të largohej nga klubi.
Bejll në ndeshjen ndaj PSZH-së, në të cilën “mbretërit” pësuan disfatë të thellë 3:0, shënoi një gol të bukur nga jashtë zonës, por i njëjti u anulua pas rishikimit të VAR-it shkaku i një prekje të topit me dorë.
This video pretty much sums up how Gareth Bale is feeling at Real Madrid this season 😂😂pic.twitter.com/V56qJcHmP9
— ODDSbible (@ODDSbible) September 20, 2019
