Edhe përkundër problemeve të mëdha në skuadër, Italia zhvilloi një ndeshje shumë të fuqishme dhe me meritë shënoi fitore ndaj Polonisë me rezultatin 2:0 në ndeshjen e vlefshme të Grupit 1 të Divizionit A në Ligën e Kombeve, njofton “infOSport.mk”.
Ekipin “axurrë” e nderoi një penallti e Zhorzhinjos në pjesën e parë dhe një gol i Berardit në fund, i ndihmuar edhe nga fakti se Polonia nga minuta e 77-të luajti me 10 futbollistë, pas përjashtimit të Goralski.
Falë kësaj fitore Italia sërish morri kryesimin në grupin e saj me 9 pikë, një më shumë se Holanda, që më herët mundi Bosnje e Hercegovinën me rezultatin 3:1.
Në këtë mënyrë skuadra e Roberto Mançinit fatin e ka në duart e saja, pasi një fitore në ndeshjen e fundit kundër Bosnje e Hercegovinës në transfertë do të ju siguronte atyre pozitën e parë, pavarësisht rezultatit në ndeshjen tjetër midis Polonisë dhe Holandës, kombëtare këto që ende janë në garë, duke pasur parasysh se edhe Polonia ka 7 pikë në vendin e tretë.
