Renova e nis me disfatë vitin 2022, mundet nga Ferizaji në Kosovë

Renova i ka nisur me disfatë kontrollueset e këtij viti, teksa sot është mundur në Kosovë nga Ferizaji me shifrat 4:1, njofton “infOSport.mk”.

Ndeshja në fjalë u zhvillua në stadiumin “Ismet Shabani” në Ferizaj, aty ku skuadra nikoqire ishte shumë më e përgatitur se Renova, gjë për të cilën flet edhe vetë rezultati.

Golin e vetëm për Renovën në këtë përballje e realizoi Emran Ramadani pas asistimit të Fisnik Zukës, derisa Florim Berisha, Bleon Shaqiri, Enis Sefa dhe Kenan Orana ishin realizatorët e golave për ekipin e Ferizajit, që këtë edicion synim kryesor e ka rikthimin në elitën e futbollit kosovar.

Kujtojmë FC Ferizaji e mbylli stinorin vjeshtor në pozitën e dytë në Grupin B të Ligës së Parë me 25 pikë, vetëm një më pak se skuadra kryesuese e Vushtrrisë. (infOSport.mk)

Leave a Reply