Sautgejt ka bërë publike listën e futbollistëeve për ndeshjet e qershorit, përfshirë këtu edhe Maqedoninë

Seleksionuesi i kombëtares angleze, Garet Sautgejt, ka bërë publike listën e futbollistëve të ftuar për ndeshjet e qershorit në kuadër të eliminatoreve për Europianin e vitit 2024, njofton ‘infOSport.mk”.

“Tre Luanët” fillimisht do të udhëtojnë në Maltë më 16 qershor, që më pas tre ditë më vonë në shtëpi të mirëpresin përfaqësuesen e Maqedonisë.

Për herë të parë ftesë për të qenë pjesë e kombëtares angleze, ka marrë ylli i Kristal Pallas, Eberechi Eze, i cili ka ecur me hapa të mëdhenj, që kur Roj Hoxhson morri drejtimin e skuadrës nga “Selhurst Park”.

Trent Alexander-Arnold është rikthyer në formacion për herë të parë që nga Kupa e Botës në Katar, ndërsa janë rithirru edhe Luis Dunk i Brajton dhe Tajron Mings i Aston Villas.

Ndërkohë futbollistë si Rahem Sterling dhe Fikayo Tomori janë lënë jashtë grumbullimit, derisa është ftuar një Kalvin Filips i Mançester Sitit, pavarësisht se ka luajtur vetëm 6% të minutave të përgjithshme.

Nik Pope, gjithashtu nuk bënë pjesë për shkak të lëndimit, njëjtë sikurse edhe Ivan Toney, i cili filloi pezullimin e tij tetë muajsh nga futbolli që nga java e kaluar. Në vend të këtij të fundit, Sautgejt ka ftuar Callum Ëilson nga rradhët e Njukasëll Junajted.

Kujtojmë, Anglia pas dy xhirove të para në kuadër të grupit “C”, kryeson renditjen me 6 pikë të plota, duke lënë pas Italinë dhe Maqedoninë e Bllagoja Milevskit, që ka zhvilluar vetëm një ndeshje, duke mundur Maltën në Shkup me shifrat 2:1. (infOSport.mk)