Sonte janë mbyllur ndeshjet e fundit të fazës së grupeve për eliminatoret e Botërorit “Rusi 2018”. Janë Franca dhe Portugalia dy kombëtaret e rradhës që kanë siguruar një biletë për në Botëror në ndeshjet e tyre të fundit të grupeve duke arritur dy fitore të rëndësishme ndaj Bjellorusisë, gjegjësisht Zvicrës.
Ndërkohë Suedia, Zvicra dhe Greqia janë kombëtaret që siguruan një vend për në ndeshjet e fazës “play-off”, ku do të luajnë edhe Italia, Kroacia, Danimarka, Irlanda dhe Irlanda e Veriut.
Grupi A – Franca ka fituar 2:1 ndaj Bjellorusisë. Golat e Griezman dhe Zhiru ishin të mjaftueshëm për skuadrën e Deshamp për të siguruar një biletë për në Botërorin e vitit të ardhshëm në Rusi. Në ndeshjen tjetër të grupit Holanda mundi Suedinë me rezultatin e pastërt 2:0, mirëpo ishte kjo një fitore pa shumë vlera për “tulipanët”, të cilët megjithatë në fund duheshe të kënaqen vetëm me pozitën e tretë në grup.
GRUPI B- Portugalia ka fituar ndeshjen e fundit ndaj Zvicrës duke siguruar një biletë direkt për në Rusi, ndërkohë që helvetët për të qenë pjesë e Botërorit të ardhshëm do të duhet që të kalojë fazën e “play-offit”. Hungaria më vështirë se sa pritej mundi Ishujt Faroe, ndërkohë Letonia ishte superiore në përballjen ndaj Andorës, duke shënuar fitore të thellë me rezultatin 4:0.
GRUPI H– Greqia ashtu siç pritej mundi me lehtësi 4:0 Gjibraltarin, ndërkohë që kryesuesit e Belgjikës me po të njëjtin rezultat mundën Qipron. Në ndeshjen tjetër të këtij grupi Bosnja e Hercegovina me rezultatin 2:1 mundi Estoninë në transfertë.
Eliminatoret për Botërorin “Rusi 2018” Ndeshjet në grupet A, B dhe H |
||
Belgjika | 4 – 0 | Qipro |
Estonia | 1 – 2 | Bosnja e Hercegovina |
Franca | 2 – 1 | Bjellorusia |
Greqia | 4 – 0 | Gjibraltari |
Letonia | 4 – 0 | Andora |
Luksemburgu | 1 – 1 | Bullgaria |
Hungaria | 1 – 0 | Ishujt Faroe |
Holanda | 2 – 0 | Suedia |
Portugalia | 2 – 0 | Zvicra |