Ky që shihni në foto është djali nga Lugina e Preshevës, Lais Asani i lindur në Zvicër. Ka filluar të merret me futboll që në moshën 6 vjeçare dhe ushtron tre herë në javë. Pra futbolli i fle në zemër Laisit, i cili luan mesfushor për klubin e futbollit Herisau në grupmoshat “A-Junior”.
Joel Gämpi dhe ndihmës trajneri Vasfi Demirci, janë ata ate cilët ushtrojnë djalin preshevar me nënshtetesi zviceriane, por që kurrë nuk e harron vendlindjen e të parëve. Laisi flet rrjedhshëm gjuhën shqipe dhe thotë se çdo herë në pushimet e shkollës shkon në Preshevën e tij për ti vizituar familjarët.
Laisit gjithnjë i ka pëlqyer ky lloj sporti dhe i jep shumë kënaqësi kur luan në fushë. I ndjek rregullisht të gjitha ndeshjet dhe se idhulli i tij është Ronaldinjo.
Viti 2017 ka qënë nje vit mjaft i suksesshëm për Laisin, sepse ai gjatë gjithë sezonit ka bërë 32 gola. Synimet e ti janë që të arrijë aty ku janë yjet e futbollit shqiptar si Taulant Xhaka dhe Xherdan Shaqiri.
Vogëlushi ndjek mësimet në klasën e dytë në shkollen fillore në qytetin ku jeton Herisau. Ai gjatë kohës së lirë ju flet moshatarëve të tij për futbollin dhe anët pozitive që ka, me qëllim që ti bashkangjiten dhe të ushtrojnë me të.
Duke parë aftësitë e tij në futboll, atij i ka ardhur një ftesë prej një klubi tjetër më të madh siç është klubi i futbollit, Sent Gallen.
Të mos harrojmë se Laisi vjen prej një familje preshevare me tradita kombëtare. Prindërit e tij babai Erolli dhe nëna Vjollca krenohen me djalin e tyre që shumë shpejt po hapëron në futboll. Ata shpresojnë më të mirën dhe se klubi i futbollit Sent Gallen do jetë klubi i tij në të ardhmen.
Duhet të presim datën 3 Mars dhe të shohim se për cilën skuadër në Zvicër do të vendos të luaj Lais Asani, një emër të cilin nuk duhet anashkaluar, pasi cilësitë e tij dhe talenti që ka ky djalosh premtojnë shumë për në të ardhmen.