Mesfushori gjerman, Emre Xhan edhe zyrtarisht është prezantuar si futbollist i ri i Juventusit. Ish futbollisti i Liverpullit te “biankonerët” vjen si agjent i lirë. Futbollisti i talentuar gjerman me origjinë turke para gazetarëve ka zbuluar se pse ka pranuar ofertën e kampionëve të Italisë.
“Edhe para se të vija, e dija se ky është një klub i madh. Mund ta vërtetoni edhe ju për shkak bazës dhe qendrës stërvitore. Kjo është dita ime e parë, gjithçka është në rregull dhe jam i lumtur që jam këtu” – tha fillimisht Emre Xhan.
Mesfushori 24-vjeçar foli gjithashtu edhe për transferimin e mundshëm të Kristiano Ronaldos te “Zonja e Vjetër”.
“Besoj se nuk ka futbollistë, për të cilin nuk do të ishte nder nëse do i jepej rasti që të luaj bashkë me Kristiano Ronaldon. Sinqerisht të ju them nuk e kam idenë nëse ka kontakte mes tij dhe klubit” – deklaroi Emre Xhan.
🎙 @emrecan_ | "The mentality at Juventus is that we just want to win titles. That's my mentality too. I came here to win titles." #EmreCanDAy pic.twitter.com/gwtvXHkjVb
— JuventusFC (@juventusfcen) July 9, 2018
