Shkolla “Sabedin Bajrami” në Kamjan të Komunës së Bogovinës, prej sot edhe zyrtarisht është bë edhe me sallë të re sportive, një investim ky prej mbi 600 mijë eurosh, me një hapësirë prej 1300 metrave katrorë, me të gjitha kushtet dhe rekuizitat sportive për futboll, hendboll, basketboll e gjimnastikë.
Kjo shkollë nuk ka pasur asnjëherë sallë sportive dhe ndërtimi i saj është kërkuar në vazhdimësi, që nga viti 1979, kur edhe ishte ndërtuar shkolla.
Ndërtimi i sallave sportive ishte projekt i qeverisë së kaluar që planifikonte ndërtimin e 142 sallave sportive në mbarë vendin, që vazhdon edhe sot nga qeveria aktuale.
