Shkëndija, FC Shkupi dhe Struga Trim Lum janë kualifikuar për në ndeshjet çerekfinale të Kupës së vendit, pasi sot në ndeshjet e kthimit arritën deri tek rezultatet e ëshiruara, njofton “infOSport.mk”.
Shkëndija pas barazimit 2:2 në Shkup, sot në Tetovë me rezultatin minimal 1:0 mundi Vardarin. Autorë i golit të vetëm doli të jetë Agim Ibraimi në minutën e 74-të, kur mjaft mirë shfrytëzoi harkimin e Besart Ibraimit nga e majta.
FC Shkupi falë golit të Marin Jurina në të 72-tën, arriti rezultatin e dëshiruar 1:1 në Kratovë në ndeshjen ndaj Sileksit, rezultat ky që doli të jetë i përgjithshmi, pasi ndeshja e parë në Çair u mbyll me barazim pa gola.
Barazimi pa gola në ndeshjen e parë dhe fitorja minimale sot i ndihmoi edhe Struga Trim Lumit që të eliminojë Borecin, ndërsa Bregallnica bëri surprizën më të madhe, duke eliminuar Makedonija GJ.P. Skuadra e ligës së dytë sot në Shkup barazoi pa gola, ndërsa iu falë fitores 1:0 në ndeshjen e parë në Shtip.
Kualifikimin me stil për në ndeshjet çerekfinale e siguroi edhe Rabotniçki, që mundi 4:0 Pelisterin dhe me rezultatin e përgjithshëm 5:1 kaloi më tej, njëjtë sikurse edhe Labunishta, që edhe në ndeshjen e dytë mundi Ohridin.
Udhëtuesi i fundit për në ndeshjet çerekfinale do të mësohet gjatë ditës së nesërme, kur në Tetovë, Renova do të mirëpret Tikveshin.
“Gjipspunuesit” thuajse me një këmbë janë në çerekfinale, pas fitores 2:0 në ndeshjen e parë në Kavadar.
|
Kupa e Maqedonisë Ndeshjet e kthimit të 1/8 së finales |
||||||||||||||||||||||||
|
(Skuadrat e nënvizuara me ngjyrë të gjelbërt, janë të kualifikuara në çerekfinale)
(Në kllapa keni rezultatet e ndeshjeve të para)
