Atletiko Madridi mbrëmë pësoi disfatë 2:1 nga Lajpcigu në ndeshjen e vlefshme çerekfinale të Ligës së Kampionëve, duke u përshëndetur në këtë mënyrë nga gara më prestigjioze europiane.
Trajneri i “jorganxhinjëve”, Diego Simeone shpresonte se do të arrijë më shumë këtë vit me skuadrën e tij në këtë kompeticion, megjithatë ëndërrën e tij e prishi skuadra modeste e Lajpcigut, ndryshe e themeluar vetëm 11 vite më parë (2009), e që mbrëmë shkroi historinë, duke u kualifikuar në gjysmëfinale të Ligës së Kampionëve.
Tekniku argjentinas mbeti i ngrirë kur arbitri tregoi fundin e takimit në Lisbonë. ‘El Cholo’ u shtang, derisa gati sa nuk shpërtheu në lot pasi kuptoi se skuadra e tij është eliminuar nga Liga e Kampionëve.
Ky reagim i Simeones u bë viral shumë shpejtë në rrjetet sociale.
Diego Simeone didn't even move after the full-time whistle.
Heartbroken 💔#Club2020 pic.twitter.com/1QkaaPEC1c
— Football on BT Sport #Club2020 (@btsportfootball) August 13, 2020
