Fenerbahçe ka arritur marrëveshje për transferimin e Mesut Ozil nga Arsenali. Një gjë të tillë raporton e përditshmja turke, “FotoMac TV”, sipas së cilës drejtuesit e skuadrës nga “Shukru Saraçogllu” kanë arritur marrëveshje me vetë lojtarin, por njëkohësisht edhe me drejtuesit e Arsenalit.
32 vjeçari turk me pasaportë gjermane me Fenerbahçen do të nënshkruajë kontratë për 3 vite e gjysmë.
Fenerbahçe këtë vit pretendon titullin e kampionit në Superligën turke, teksa sonte regjistroi një fitore me shumë vlera ndaj Alanyaspor (2:1), pas së cilës tashmë renditen në pozitën e dytë me 32 pikë, dy më pak se liderët e Beshiktashit.
Erol Bulut: 🗣️Transfer dönemi herkes kadrosunu güçlendirmek istiyor. Mesut Özil adı çok geçiyor. Önümüzdeki günlerde daha da netlik kazanır diyorum. Gelmeden bir yorum yapmam da söz konusu değil. pic.twitter.com/to6BRYfKJF
— Fotomaç (@fotomac) January 7, 2021
