Dëbora pushton Shqipërinë, FSHF pezullon të gjitha kampionatet

Ndalon futbolli shqiptar. Dëbora që ka pushtuar Shqipërinë, ka detyruar FSHF-në të shtyjë të gjitha takimet.

Duke vlerësuar këtë situatë, Federata Shqiptare e Futbollit ka marrë vendimin që të shtyjë ndeshjet e futbollit në të gjitha nivelet e kampionateve deri të shtunën e ardhshme, datë 20 shkurt 2021.

Ndeshjet e parashikuara për t’u luajtur gjatë ditës së sotme dhe gjatë javës, do të luhen në një datë të mëvonshme, që do të përcaktohet nga Sektori i Garave pranë FSHF-së.

NJOFTIMI I FSHF-së:

Moti i keq dhe reshjet e dëborës që kanë përfshirë të gjithë vendin tonë kanë detyruar Federatën Shqiptare të Futbollit që të shtyjë të gjitha ndeshjet e parashikuara për këtë javë. Federata e Futbollit ka qenë në kontakt të vazhdueshëm me drejtuesit e të gjitha klubeve dhe është njohur me situatën e rënduar të terreneve sportive dhe stadiumeve, ku do të zhvilloheshin shumë ndeshje.

Duke vlerësuar këtë situatë Federata Shqiptare e Futbollit ka marrë vendimin që të shtyjë ndeshjet e futbollit në të gjitha nivelet e kampionateve deri të shtunën e ardhshme, datë 20 shkurt 2021. Ndeshjet e parashikuara për t’ua luajtur këtë të diel dhe gjatë javës, do të luhen në një datë të mëvonshme, që do të përcaktohen nga Sektori i Garave në FSHF.

Leave a Reply