Qyteti i Santa Ana del Conde në Meksikë ka përjetuar një pasdite terrori gjatë një ndeshje futbolli që u zhvillua gjatë ditës së sotme.
Një burrë hyri në stadium dhe filloi të qëllojë mbi të pranishmit me një AK-47.
Të shtënat në hyrje të kampit El Roble rezultuan në vdekjen e tre personave dhe të paktën një tjetër të plagosur.
Dy nga tre viktimat tashmë janë identifikuar; njëri prej tyre u identifikua si Erick Vega, këngëtar dhe drejtues i grupit ‘La Sencillita’, ndërsa viktima e dytë u identifikua si Hugo, një furrtar dhe baba i dy fëmijëve.
Këtë ngjarje të rëndë e komentoi edhe presidenti i Liga MX, Mikel Arriola: “Më vjen shumë keq për ngjarjet që ndodhën sot gjatë një ndeshje amatore futbolli në Santa Ana del Conde. Ne qëndrojmë solidarë me familjet e atyre që kanë humbur jetën dhe hedhim poshtë çdo shprehje urrejtjeje apo dhune brenda e jashtë fushave”.
