Federata e Futbollit e Kosovës ka njoftuar se kryetari aktual, Agim Ademi do të jetë kandidat i vetëm për kryetar për kuvendin e 6 prillit, edhe pse Ministria e Sportit gjatë ditës së djeshme bëri të ditur se ka konstatuar shkelje të Ligjit të Sportit dhe Statutit të FFK-së rreth këtij kuvendi.
FFK-ja ka theksuar se Gramoz Vokrrit i është refuzuar aplikimi për kandidim, pasi ka gjetur parregullsi te nënshkrimet e delegatëve që i ka mbledhur ai, me theks të veçantë te nënshkrimet e FC Prishtinës dhe Ulpianës.
