Totenhami ka shnëuar një fitore më të vështirë se që pritej sonte përballë Uatdfordit, skuadër kjo që dështoi në 10 minutat e fundit të takimit, kur ‘spërsat’ shënuan dy golat e përmbysjes dhe në fund shënuan fitore me rezultatin 2:1, njofton ‘infOSport.mk’.
Uatfordi kaloi në epërsi në minutën e 38-të me autorë Katçart, ndërsa golat e fitores për skuadrën e trajnerit Poçetino i realizuan Son Heung Min (80’) dhe Fernando Ljorente (87’).
Për dallim nga Totenhami që vazhdon të mbajë pozitën e tretë në renditje me 54 pikë, 7 më pak se Liverpulli kryesues dhe vetëm dy më pak se Mançester Siti i vendit të dytë, skuadra e Çelzit humbi edhe pozitën e katërt, pas disfatës 4:0 në udhëtim te Burnmauti.
Ishte kjo një ndër ndeshjet më të mira të Burnmaut këtë edicion, që fitoren e thellë ndaj ‘bluve’ të Londrës e siguroi falë golave të shënuar nga King (2 gola), Bruks dhe Daniels. Çelzi për shkak gol averazhit më të dobët, renditet në pozitën e 5-të me 47 pikë, po aq sa ka edhe Arsenali tashmë në vendin e katërt, teksa Junajtedi me 45 pikë renditet në pozitën e 6-të.
Në ndeshjen tjetër të mbrëmjes së sotme në Premierligë, Sauthemptoni dhe Kristal Pallasi barazuan me shifrat 1:1.
