E diela në vendin tonë solli ndeshjet e javës së 20-të, ku spikati fitorja e thellë e Renovës ndaj Vardarit, skuadër kjo që tashmë humbi edhe pozitën e dytë në renditje, njofton “infOSport.mk”. Shkëndija nuk shkoi më shumë se një barazim 1:1 në transfertën ndaj Makedonija GJ.P, njëjtë sikurse edhe Rabotniçki, që edhe në ndeshjen e dytë të stinorit pranveror nuk arriti që të vie deri tek tre pikëshi.
Shkëndija edhe përkundër barazimit, vazhdon të mbajë pozitën e parë në renditje me 44 pikë, tashmë 8 më shumë se Akademia Pandevi, që edhe për të tretën herë mundi Bellasicën në derbin lokal të Strumicës.
Vardari me 35 pikë renditet në pozitën e tretë, ndërkohë Rabotniçki me 28 pikë pozicionohet në vendin e katërt, duke lënë pas vetes FC Shkupin me 27 pikë.
Renova renditet e 6-ta me 25 pikë, 3 më shumë se Makedonija GJ.P e vendit të 7-të. Sileksi me 20 pikë mban pozitën e 8-të, ndërkohë në dy pozitat e fundit me nga 18 pikë renditen Bellasica dhe Pobeda.
| # | Ekipi | Nd. | F | B | D | G-av | Pikë |
| 1. | Shkëndija | 20 | 13 | 5 | 2 | 44:15 | 44 |
| 2. | Ak. Pandev | 20 | 11 | 3 | 6 | 24:14 | 36 |
| 3. | Vardari | 20 | 10 | 5 | 5 | 22:15 | 35 |
| 4. | Rabotniçki | 20 | 8 | 4 | 8 | 28:30 | 28 |
| 5. | Shkupi | 20 | 7 | 6 | 7 | 21:21 | 27 |
| 6. | Renova | 20 | 6 | 7 | 7 | 24:25 | 25 |
| 7. | Makedonija Gj.P | 20 | 5 | 7 | 8 | 23:30 | 22 |
| 8. | Sileksi | 20 | 4 | 8 | 8 | 15:26 | 20 |
| 9. | Bellasica | 20 | 4 | 6 | 10 | 16:28 | 18 |
| 10. | Pobeda | 20 | 5 | 3 | 12 | 15:28 | 18 |
