Juventusi po përgatitet për një bombë tjetër edhe këtë edicion. Pasi vitin e kaluar shpërrtheu me blerjen e Kristiano Ronaldos, “biankonerët” duan të përsërisin të njëjtën gjë, por kësaj radhe në bankinë.
E ardhmja e Masimiliano Allegrit është vënë në dyshim, ndërsa ditëve të fundit është rritur koeficienti i largimit të tij.
Por kush në realitet do të ishte emri që do të zëvendësonte italianin?
Ëndrra e madhe e Fabio Paratiçit quhet Pep Guardiola.
Spanjolli shihet si emri i duhur për të rikthyer Juventusin edhe në majat e futbollit europian.
Sipas koeficienteve të “Sisal Matchpoint”, largimi i Alegrit ka shkuar nga 1.8 në 2, ndërsa ulja e trajnerit “katalunas” në stol ka zbritur nga 3 në 2.5 orët e fundit.
Rikthimi i Antonio Kontes nuk shihet më si opsion, me strategun italian, i cili me shumë gjasa sezonin e ri do të drejtojë skuadrën e Interit, teksa koeficienti 6 i Mauricio Poçetinos, në bënë me dije se emërimi i këtij të fundit në stolin e Juves është shumë larg.
