Transferimi i yllit të Mançester Sitit, Leroj Sane, vazhdon të jetë prioritet për kampionët e Gjermanisë të Bajern Munih, mirëpo “bavarezët” gjithashtu kanë gati edhe planin “B” nëse reprezentuesi gjerman nuk zbarkon në “Alianc Arena”.
Drejtuesit e Bajernit të Munihut i kanë vënë syrin sulmuesit të Gremios, Pepe. Për këtë 23-vjeçar, gjithashtu interesohet edhe Ajaksi.
Bayern and Ajax are interested in Grêmio winger Pepê (23). Both clubs are concrete for the player. Bayern have inquired about Pepê but an offer will only be made when the transfer window opens in the summer [@globoesportecom] pic.twitter.com/IsWLyPFVCK
— Bayern & Germany (@iMiaSanMia) March 17, 2020
Nga tabori i skuadrës gjermane kanë pyetur madje edhe për çmimin e Pepe. Pas hapjes së tregut të futbollistëve, “bavarezët” me siguri se do të dalin edhe me një ofertë konkrete për shërbimet e brazilianit, pohon “Globo Esporte”.
Eduardo Gabriel Akinjo Kosa, është emri i plotë i Pepe, i cili pjesë e skuadrës braziliane të Gremio është që nga viti 2016-të.
Gjatë sezonit të kaluar ai me këtë skuadër regjistroi 32 ndeshje dhe 8 gola të shënuar në “Seria A” braziliane.
Pepe me skuadrën nga Porto Algre ka kontratë deri në vitin 2022.
Vlen të theksohet gjithashtu se Bajermi i Munihut po ndjek edhe një ish futbollistë të Gremios, Tete, i cili aktualisht luan në Ukrainë te skuadra e Shakhtar Donjetsk.
