Besart Ibraimi në element, Shkëndija merr kryesimin në LPFMV (VIDEO)

Shkëndija ka marrë një fitore sipas planit në ndeshjen e javës së 5-të kundër Bellasicës në udhëtim, duke marrë kryesimin në elitën e futbollit vendor, njofton “infOSport.mk”.

Të përzgjedhurit e trajnerit Ernest Gjoka morrën një fitore komode 3:0, ndërsa në element në këtë ndeshje doli të jetë Besart Ibraimi, që shënoi dy gola, ndërsa një tjetër realizoi Enur Totre.

Që të tre golat “kuqezinjtë” i realizuan në pjesën e dytë, ndërsa i pari që shënoi ishte mesfushori Totre. Ky i fundit përfitoi nga një devijim i topit nga ana e portierit Siljanovski dhe në minutën e 54-të kaloi në epërsi Shkëndijën. Këtij goli i parapriu edhe një gabim trashanik i mbrojtësit vendas, Zoran Mitevski.

Edhe pas këtij goli, Shkëndija kishte dominim të lehtë në fushën e  blertë, ndërsa “kuqezinjtë” në minutën e 83-të përfituan penalti, të cilën në gol e shndërroi Besart Ibraimi. Për bomberin kërçovar ishte ky goli i tretë i shënuar nga pika e bardhë këtë edicion, pas atyre ndaj Makedonija GJ.P në Shkup dhe kundër Neftçit në kuadër të Liga Europa.

Ibraimi doli në skenë edhe në minutën e 86-të, kësaj rradhe duke shënuar nga loja një super gol me një goditje nga distanca.

Për Ibraimin ishte ky goli i tretë sezonal në LPFMV, aty ku Shkëndija tashmë kresyon renditjen me 11 pikë, 1 më shumë se Sileksi i vendit të dytë që humbi në transfertën ndaj Struga Trim Lum.

Bellasica rastin më të mirë për të shënuar golin e nderit në këtë takim e pati në minutat shtesë të takimit, mirëpo goditjen e Aleksandar Milushev nga penaltia e ndali portieri Kostadin Zahov.