Është zbuluar lista e lojtarëve, që janë në garë për “Topin e Artë”. Lista zyrtare e publikuar nga “France Football” përfshin emra të njohur të futbollit evropian dhe botëror, ndërsa Serie A ka vetëm një përfaqësues.
Bëhet fjalë për Lautaro Martinez, i cili përfshihet në listë pas sezonit të shkëlqyeshëm me Interin dhe paraqitjeve me Argjentinën në Botërorin e fundit 2026.
Në këtë listë, gara për trofeun e vitit 2026 paraqitet e ekuilibruar dhe pa një emër që të konsiderohet favorit absolut.
Një nga kandidatët është Rodri, i cili vjen pas Botërorit të fituar me Spanjën dhe pasi u shpall lojtari më i mirë i turneut.
Në grupin e favoritëve përmendet edhe Lamine Yamal. Spanjolli ka fituar Botërorin me Spanjën, ndërsa La Liga është një tjetër prej trofeve që i shtohet sezonit të tij. Paraqitjet dhe trofetë e fituar e vendosin atë në mesin e kandidatëve për çmimin individual.
Një tjetër emër i rëndësishëm është Fabian Ruiz. Spanjolli ka fituar Botërorin, Ligën e Kampionëve dhe kampionatin francez, duke pasur një sezon me disa trofe në dispozicion.
Edhe Kviça Kvarashkelia është pjesë e këtij grupi, pas një sezoni ku fitoi Ligën e Kampionëve dhe kampionatin francez, si protagonsit në ndeshjet vendimtare.
Mes kandidatëve është edhe Lionel Messi. Argjentinasi ka udhëhequr kombëtaren e tij drejt finales së dytë radhazi në Botëror, duke qenë një tjetër emër me peshë në garën për çmimin e madh, ndërsa mungon emri i Kristiano Ronaldos.
Ceremonia do të zhvillohet më 26 tetor në Londër dhe do të shënojë një ndryshim nga tradita e viteve të fundit, pasi Parisi nuk do të jetë këtë herë qyteti pritës.
Lista e kandidatëve:
Jude Bellingham
Pau Cubarsì
Ousmane Dembelè
Marc Cucurella
Luis Diaz
Bruno Fernandes
Gabriel Magalhaes
Erling Haaland
Harry Kane
Achraf Hakimi
Khvicha Kvaratskhelia
Lamine Yamal
Sadio Manè
Marquinhos
Lautaro Martinez
Kylian Mbappè
Nuno Mendes
Lionel Messi
Joao Neves
Michael Olise
Willian Pacho
Julian Quinones
Declan Rice
Rodri Hernandez
Fabian Ruiz
Ferran Torres
William Saliba
Dayot Upamecano
Vinicius Junior
Vitinha
