LPFM, Java 36 pa shumë “ngjyra”

Të mërkurën në elitën e futbollit vendor në program janë ndeshjet e javës së 36-të, me të cilat edhe zyrtarisht mbyllet edicioni 2016/2017. Kjo javë do të zhvillohet vetëm për statistika, pasi tashmë gjithçka është e njohur sa u përket skuadrave që do përfaqësojnë vendin tonë në Evropë, mirëpo edhe ato skuadra që vitin tjetër do të luajnë në Ligën e Dytë.

Bazuar në këtë, ndeshjet e kësaj jave pritet të dhurojnë shumë gola dhe lojë të hapur nga ana e skuadrave që do përballen njëra me tjetrën.

SHKËNDIJA ME FORMACIONIN E DYTË NDAJ PELISTERIT

Përballja më interesante pritet të jetë ajo në Tetovë, ku mejdanin do të ndajnë dy skuadrat finaliste të këtij edicioni, Shkëndija dhe Pelisteri.

Skuadra kampione e Vardarit që nesër do të ngre trofeun e titullit kampion në stadiumin e “Gjorçe Petrovit” do të mirëpret Sileksin, Shkupi në Çair ndaj Makedonija Gjorçe Petrovit do të mundohet që me fitore të mbyll sezonin e rregullt, pasi për “pëllumbat” nga Çairi do pësojnë edhe dy ndeshje finale kundër Novacit në kuadër të ndeshjeve të balotazhit, përmes së cilave do të mundohet që të ruajë statusin e skuadrës elitare, Pobeda në stadiumin në “Mogila” do të luajë kundër Renovës, ndërkohë Bregallnica në Shtip për herë të fundit këtë edicion do të zhvillojë ndeshje elitare kundër Rabotniçkit.