Përfaqësuesja U19 e Maqedonisë ka bërë një hap të madh drejt realizimit të ëndërrës, kualifikimit për në raundin elitarë kualifikues për në Evropian, njofton “infOSport.mk”.
Të besuarit e trajnerit Vujadin Stanojkoviç edhe përkundër disavantazhit që kishin, në fund shënuan fitore 2:1 ndaj përfaqësueses së Zvicrës.
Deri te kjo fitore djelmoshat e rinj të përfaqësueses së Maqedonisë erdhën falë paraqitjes së shkëlqyeshme gjatë pjesës së dytë kur falë golave të shënuar nga Trajanovski (56’) dhe Atanasov (61’) nga pika e bardhë, zhvlerësuan golin e Ugriniq (33’) të shënuar gjatë pjesës së parë.
Ndeshjen e rradhës Maqedonia do ta zhvillojë me 11 nëntor kundër Belgjikës, skuadër kjo e cila në kuadër të xhiros së parë të grupit mundi Lihtenshtejnin me rezultatin e pastërt 3:0.
Foto: ekipa.mk
