Portieri i Manchester United, David de Gea, po mbyll bisedimet dhe po bie dakord për një kontratë të re në “Old Trafford”, sipas “The Times”. Portieri i Spanjës ka qenë i lidhur ngushtë me një lëvizje drejt Real Madridit, pas një sërë shfaqjesh të shkëlqyera për “Djajtë e Kuq”. Marrëveshja aktuale e De Gea përfundon në vitin 2019, por bisedimet mbi një kontratë të re prej 220.000 paundë në javë kanë shkuar mirë dhe 27-vjeçari është afër vendosjes së firmës në letër. David De Gea duket i vendosur për të siguruar të ardhmen e tij te Manchester United, duke e zgjeruar kontratën e tij. Portieri spanjoll zhvilloi një nga ndeshjet më të mira të sezonit në mesjavë, duke i pritur edhe penalltinë Luis Muriel, sulmuesit të Sevilla, për të siguruar një barazim 0-0.
Kjo ndodhi të mërkurën, që do të thotë se Manchester United mbetet favorit për të arritur në çerekfinale të Ligës së Kampionëve, sepse do ta luajë kthimin me spanjollët në stadiumin e vet. Real Madridi është i dëshpëruar për të nënshkruar me një portier këtë verë. Drejtuesit e “Los Blancos” e kanë bërë të qartë se ata do të jenë të gatshëm të nënshkruajnë me Thibaut Courtois, të Chelsea, por, gjithashtu, e mbajnë një interes mbi “gardianin” e Manchester United, i cili ka qenë një objektiv i gjatë për fituesit në fuqi të Champions-it. Sidoqoftë, realiteti ka të ngjarë të dështojë në ndjekjen e tyre. Bisedimet midis Manchester United dhe De Gea mbi një kontratë të re, janë drejt finalizimit.(telesport)
