Një lajm i mirë dhe i keq për Juventusin

Autori i dy golave të shënuar për Juventusin në ndeshjen e parë ndaj Totenhamit, Gonzalo Higuian, është rikuperuar plotësisht dhe është përfshirë në grupin e futbollistëve të grumbulluar për ndeshjen e kthimit të 1/8 së finales kundër Totenhamit në kuadër të Ligës së Kampionëve, që në program është nesër mbrëma me fillim në ora 20:45 në Londër.

Sulmuesi argjentinas mungoi në dy ndeshjet e fundit pas dëmtimit të kyçit të këmbës, mirëpo tashmë ndjehet mirë dhe është i gatshëm për tu paraqitur.

Megjithatë jashtë grupit ka mbetur kroati Mario Manxhukiç, i cili nuk arriti qëtë rikuperohet me kohë pas problemeve me muskujt.

Federiko Bernardeski dhe Huan Kuadrado gjithashtu nuk janë pjesë e futbollistëve të grumbulluar për shkak dëmtimit.

Në listën e Masimiliano Alegrit rikthehet mbrojtësi i krahut të djathtë, Matia De Shiljo.

Rikujtojmë ndeshja e parë në “Juventus Stadium” ishte mbyllur me barazimin 2:2.

Leave a Reply