Tirana U21 ishte ditën e sotme në Lezhë për të luajtur ndeshjen e javës së 17-të, të Kategorisë Superiore për moshën e tyre, teksa “bardheblutë” u ndalën në barazim 1:1, duke humbur kështu dy pikë të rëndësishme për renditjen.
Në fakt nuk humbën vetëm pikët, por edhe një pjesë të bazës materiale dhe sendeve personale, të marrë me vete ne stadiumin “Shënkolli”.
“Panorama Sport” zbulon se skuadrës “bardheblu” i janë vjedhur çantat e lëna në dhomat e zhveshjes gjatë kohës kur ata dhe stafi ishin në fushë.
Një lajm aspak i hijshëm, për të cilin mësohet se policia po heton dhe po punon për të gjetur autorët dhe mundësisht sendet e humbura.
Futbollistët e Tiranës dhe Shënkollit janë shoqëruar në polici për të rrëfyer mbi ngjarjen që kishte ndodhur.
