Takimi Kurti-Vuçiç të shtunën në Ohër, shtyhet derbi midis Voska Sport dhe Pelisterit!

Të shtunën më 18 mars në Ohër, Kryeministri Albin Kurti dhe presidenti serb, Aleksandar Vuçiq do të mbajnë takimin e radhës në kuadër të procesit të dialogut midis Kosovës dhe Serbisë.

Ky takim shumë i rëndësishëm ka ndikuar edhe në ndryshimin e datës së ndeshjes derbi të Ligës së Dytë midis Voska Sport dhe Pelisterit, që duheshe të zhvillohet po të shtunën në stadiumin “Burimet e Biljanës” në Ohër, njofton “infOSport.mk”.

Kështu derbi i javës së 21-të në Ligën e Dytë do të zhvillohet ditën e mërkurë (22 mars) me fillim në ora 15:00. Voska Sport pas 20 xhirove të para renditet në pozitën e dytë me 47 pikë, ndërkohë Pelisteri mban pozitën e katërt me 43 pikë.

Kujtojmë, ndeshja e parë e këtij sezoni mes këtyre dy skuadrave e zhvilluar në Manastir, ishte mbyllur me barazim 1:1. (infOSport.mk)

Leave a Reply