Tetovari Nedim Bajrami sërish protagonist në Serie A me fanellën e Empolit. Mesfushori i Kombëtares shqiptare, ka gjetur rrugën e rrjetës në përballjen ndaj Bolonjës, duke realizuar nga pika e bardhë e penalltisë në minutën e 54-të, teksa në ato momente shënoi për 3:1.
Ky ishte goli i dytë i realizuar nga shqiptari në këtë sezon në Serie A, me fanellën e Empolit. Bajrami është shndërruar në një lider absolut te skuadra e tij, teksa mban edhe numrin 10 mbi shpinë.
