Ylli i Realit të Madridit, Kristiano Ronaldo është futbollisti i parë me 100 gola të shënuar në Ligën e Kampionëve Evropian, njofton “infOSport.mk”.
Ai sonte në ndeshjen çerekfinale të Ligës së Kampionëve Evropian ndaj Bajernit të Munihut regjistroi edhe një rekord tjetër në karrierë.
Reali shënoi fitore 4:2, ndërsa 3 prej golave të shënuar ishin pjesë e portugezit, i cili në këtë mënyrë arriti në shifrën prej 100 golave të shënuar në gjithsej 137 ndeshje, përfshirë këtu ndeshjet në fazën e grupeve dhe ato eliminatore të Ligës më prestigjioze Evropiane.
Pas tij me 94 gola në gjithsej 114 ndeshje renditet Lionel Messi, ndërkohë i treti në këtë listë është legjenda e Realit të Madridit, Raul Gonzales, i cili në 142 ndeshje ka shënuar 71 gola.
Top golashënuesit më të mirë në Ligën e Kampionëve: |
# | Emri dhe mbiemrmi i futbollistit | Ndeshje | Gola |
1. | Kristiano Ronaldo | 137 | 100 |
2. | Lionel Messi | 114 | 94 |
3. | Raul Gonzales | 142 | 71 |
4. | Rud Van Nistellroj | 73 | 56 |
5. | Karim Benzema | 91 | 51 |
6. | Tieri Henri | 112 | 50 |