Besart Ibraimi me 18 gola të shënuar aktualisht kryeson renditjen në listën e golashënuesve dhe në këtë mënyrë ai gjithnjë shihet si rrezik permanent për skuadrat kundërshtare.
Bomberi kërçovar sot me skuadrën e tij, Shkëndijën do të jenë mysafir të Shkupit në Çair, ndaj së cilës skuadër në 7 ndeshjet e fundit ka shënuar 6 gola, njofton “infOSport.mk”.
Ai shpreson se një gjë të tillë do bëjë edhe sot, edhe përkundër faktit se ai personalisht dhe e gjithë skuadra e tij në tre ndeshjet e fundit përballë Shkupit nuk kanë mundur të shënojnë asnjë gol.
Dy ndeshje mes këtyre skuadrave janë mbyllur me barazim pa gola, përfshirë këtu edhe ndeshjen e fundit në Tetovë dhe atë të zhvilluar në Çair me 30 tetor të vitit të kaluar, ndërsa ndeshja e parë e këtij edicioni e zhvilluar në Tetovë ishte mbyllur me fitoren minimale të Shkupit, 1:0.
Bazuar në këto tre ndeshje, edhe sot nuk duhet pritur aq shumë gola në Çair, edhe pse 4 ndeshjet paraprake dëshmojnë të kundërtën, pasi në to ishin shënuar plotë 15 gola, apo mesatarisht nga 3.75 gola për ndeshje.
|
7 ndeshjet e fundit midis Shkupit dhe Shkëndijës në kuadër të LPFM |
|||||
| 2016/2017 | Java 21 | KF Shkëndija | – | KF Shkupi | 0:0 (0:0) |
| 2016/2017 | Java 12 | KF Shkupi | – | KF Shkëndija | 0:0 (0:0) |
| 2016/2017 | Java 3 | KF Shkëndija | – | KF Shkupi | 0:1 (0:0) |
| 2016 – | Java 5. | KF Shkupi | – | KF Shkëndija | 1:3 (1:0) |
| 2015/2016 | Java 23 | KF Shkëndija | – | KF Shkupi | 3:1 (1:0) |
| 2015/2016 | Java 18 | KF Shkëndija | – | KF Shkupi | 4:1 (2:0) |
| 2015/2016 | Java 9 | KF Shkupi | – | KF Shkëndija | 0:2 (0:0) |
