Dikur në Europë, sot në Ligën e tretë (VIDEO)

Disfata ndaj Teteksit në teren vendas i ka kushtuar me rënie në Ligën e tretë skuadrës së Metalurgut, që dikur përfaqësonte Maqedoninë në arenën ndërkombëtare, njofton “infOSport.mk”.

Skuadra nga Hekurana në ndeshjen e drejtpërdrejtë për mbijetesë në Ligën e Dytë pësoi disfatë minimale 0:1 nga Teteksi, skuadër kjo e cila edhe sezonin tjetër së bashku me Tikveshin do të luajnë në Ligën e Dytë.

Skuadra nga Kavadari në ndeshjen më të rëndësishme të vitit mundi Turnovën në teren vendas me rezultatin 2:1, ndërkohë Vardar Negotino është skuadra e dytë pas Metalurgut që do të luajë sezonin tjetër në Ligën e Tretë Futbollistike të Maqedonisë.

Skuadrës nga Negotina nuk i ka kryer punë as fitorja 1:0 ndaj EuroMilkut, duke u renditur vetëm në pozitën e fundit me 25 pikë, një më pak se Metalurgu në pozitën e parafundit.

Në ndeshjen derbi të javës së fundit në Ligën e Dytë, ndeshjen mes dy skuadrave që sezonin tjetër do të garojnë në mesin e skuadrave më të mira, Akademia Pandev dhe Skopje barazuan 1:1.

Kësisoj Akademia Pandev me 66 pikë renditet i pari, duke lënë pas vetes Skopjen me 54 pikë. Që të dyja këto skuadra siguruan një vend për në Ligën e Parë, ndërsa një gjë të tillë, mirëpo vetëm përmes balotazhit do të kërkoj Novaci, që në ndeshjen e djeshme në Kërçovë mundi Vëllazërimin me rezultatin 3:2.