Roma nuk ka shkuar më shumë se një barazim përballë bullgarëve të CSKA Sofjes në kuadër të ndeshjeve të Liga Europa, aty ku sonte fitoren e parë e realizoi edhe Napoli i Elseid Hysajt, njofton “infOSport.mk”.
Skuadra napolitane mundi Real Sociedadin në udhëtim me rezultatin minimal 1:0, falë golit të shënuar nga Mateo Politano në minutën e 56-të.
Për dallim nga Napoli, skuadra gjermane e Bajer Leverkusenit u mund në transfertën ndaj Slavia Pragës. Skuadra çeke shënoi fitore minimale 1:0, njëjtë sikurse edhe Gllazgou Renxhersi, që ngadhnjeu përballë Leh Poznan. Fitore identike (1:0) regjistruan edhe Nice dhe Molde, që mundën Hapoel Ber Sheva, gjegjësisht Rapid Vienës.
Fitore të pastërta opër Arsenal dhe Benfika, që shënuan fitoret më të thella në ndeshjet e orës 21:00. “Topçinjtë” në Emirates mundën ekipin e Dundalk me rezultatin 3:0, ndërsa me po të njëjtin rezultat Benfika mundi Standard Liezhin.
