Sonte janë zhvilluar ndeshjet e kthimit të turit të tretë kualifikues të Ligës së Kampionëve Evropian, pas së cilave janë përcaktuar 15 skuadrat që u kualifikuan në fazën e “play off”.
Strategu kosovar, Besnik Hasi me Olimpiakosin e tij arritën të eliminojnë Partizanin e Beogradit duke menaxhuar fitoren 1:3 nga ndeshja ne parë në Beograd, pasi ndeshja e sontme në Athinë u mbyll me barazimin 2:2.
Istanbul Bashakshehiri i Sokol Cikalleshit është një skuadër tjetër që u kualifikua për më tej, teksa Legia e Armando Sadikut nuk arriti të përmbyste rezultatin nga ndeshja e parë 3:1 ndaj Astanës, ndaj së cilës skuadër sonte Legia shënoi vetëm fitore minimale 1:0.
Sulmuesi shqiptar e nisi ndeshjen si titullar, por u zëvendësua në minutën e 58-të.
Në takimet e tjera bie në sy eliminimi i Ajaksit përballë francezëve të Nicës si dhe kualifikimi i Jang Bojsit ndaj Dinamos së Kievit.
Ndër skuadrat tjera që kanë siguruar një vend për në ndeshjet e “Play-off” të Ligës së Kampionëve Evropian, janë edhe Karabaku i Ansi Agollit, Slavia e Pragës, CSKA e Moskës, APOEL Nikozia, Kopenhageni, Steaua Bukureshti, Maribori, Hapoel Ber Sheva, Rijeka dhe Selltiku.
|
Rezultatet nga ndeshjet e kthimit në kuadër turit të tretë eliminatorë të Ligës së Kampionëve Evropian Sherif Tiraspol – Karabak 1-2 (0-0) BATE Borisov – Sllavia Pragë 2-1 (0-1) CSKA Moskë – AEK Athinë 1-0 (2-0) APOEL Nikozia – Vitorul 4-0 (0-1) Istanbul Bashakshehir – Klub Bryzh 2-0 (3-3) Kopenhagë – Vardar 4-1 (0-1) Viktoria Plzen – Steaua Bukuresht 1-4 (2-2) Jang Bojs – Dinamo Kiev 2-0 (1-3) Hafnarfjordur – Maribor 0-1 (0-1) Ludogorets – Hapoel Ber Sheva 3-1 (0-2) Ajaks – Nicë 2-2 (1-1) Olimpiakos – Partizan Beograd 2-2 (3-1) Rijeka – Salzburg 0-0 (1-1) Rozenborg – Selltik 0-1 (0-0) Legia Varshavë – Astana 1-0 (1-3) |
|
| –Skuadrat e nënvizuara me ngjyrë të gjelbërt kanë vazhduar më tej
-Në kllapa keni rezultatet nga ndeshjet e para |
|
