Messi merr ‘këpucën e Artë’ dhe lë mbrapa Ronaldon

Lionel Messi ka marrë çmimin “Këpuca e Artë”, si golashënuesi më i mirë në të gjitha ligat europiane për sezonin e kaluar.

Ky ishte çmimi i pestë për argjentinasin. Superylli i Barcelonës tani e kalon Kristiano Ronaldon, që ka katër, në listën e futbollistëve me më shumë çmime të “Këpucës së Artë”.

Messi edicionin e kaluar shënoi 34 gola në ligën elitare spanjolle, La Liga, sezonin e kaluar duke i ndihmuar Barcelonës ta fitojë titullin.

Sulmuesi i Liverpullit, Mohamed Sallah ishte i dyti me 32 golat e tij në Premierligë.

Rikujtojmë Messi këtë trofe e kishte fituar edhe në sezonet 2009-2010 (34 gola), 2011-2012 (50 gola), 2012-2013 (46 gola), 2016-2017 (37) dhe tani 2017-2018 (34 gola).

31-vjeçari është golashënuesi më i mirë në historinë e Barcelonës me 572 gola në 655 ndeshje.

“Këpuca e Artë” ndahet nga “European Sports Media”, një shoqatë e gazetave dhe revistave europiane të sportit.

Leave a Reply