Tashmë si duket gjithçka ka marrë fund rreth të ardhmes së Agim Ibraimit. Futbollisti tetovarë rikthehet në vendlindje pas më shumë se 12-të viteve, ndërsa siç mëson ‘infOSport.mk’, Ibra me Shkëndijën, klubin e tij të zemrës do të firmos kontratë dy vjeçare, me mundësi vazhdimi.
Ai te skuadra tetovare vjen si futbollistë i lirë, pasi nuk pranoi të vazhdonte kontratën me skuadrën e tij të fundit, Domzhale në Slloveni.
Pikërisht në këtë shtet, Ibraimi fitoi emër duke luajtur me ekipin e Mariborit, me të cilën skuadër fitoi 6 tituj, 4 kampion dhe 2 trofe të Kupës së Sllovenisë, aty ku gjithashtu kishte luajtur edhe me skuadrat si Olimpija Ljublana dhe Nafta.
LEXO GJITHASHTU: Shkëndija fiton konkurencën, rikthen Agim Ibraimin në shtëpi!
Mirëpo kjo nuk është e tëra nga karriera e tij e pasur, pasi ai gjithashtu kishte qenë edhe pjesë e ‘Serie A’, duke mbrojtur ngjyrat e Kaljarit, pastaj Red Bull Salzburgut (Austri), Astanas (Kazakistan) dhe Eskishehirspor (Turqi).
Ndryshe për shërbimet e Ibrës interesoheshe edhe skuadra arabe e Al Itihad, që aktualisht udhëhiqet nga strategu kroat, Slaven Biliç, mirëpo si duket kësaj rradhe vendosi dashuria ‘kuqezi’, dashuria për Shkëndijën dhe jo milionat arabe që mund ti merrte me transferimin e tij eventual në Arabinë Saudite, aty ku tashmë luan ish kapiteni i skuadrës tetovare, Ferhan Hasani.
