Ballkani i trajnerit Ismet Munishi sot në një një ndeshje miqësore ka mundur Arbërinë e Arbnor Morinës, njofton “infOSport.mk”.
2:1 doli të jetë rezultati përfundimtarë i këtij takimi në favor të skuadrës nga Suhareka, për të cilën skuadër shënuan Mirlind Daku dhe Meriton Korenica.
Për ish futbollistin e Shkëndijës, ishte ky goli debutues me fanellën e Ballkanit, të cilës skuadër iu bashkua gjatë këtij afati kalimtarë nga rradhët e Prishtinës.
Golin e vetëm për Arbërinë, e realizoi Labinot Ibrahimi nga pika e bardhë.
Kujtojmë ditë më parë Arbëria, që sezonin e ri do të garojë në mesin e më të mirëve në futbollin kosovar, mundi Gjilanin me rezultatin 2:1, falë “dopietës” së shkupjanit, Sunaj Hasan, i cili sot nuk arriti që të përsëris një gjë të tillë.
